आर्थिकन्यूज
काठमाडौं । नासा सेक्यूरिटिज लिमिटेडले नेपाली क्रिकेटप्रेमीहरुलाई लक्षित गर्दै ‘रोड टु टी २० वर्ल्डकप-अघि बढ्छ नेपाल’ नामक विशेष क्याम्पेन सार्वजनिक गरेको छ।
यस क्याम्पेन अन्तर्गत नासा सेक्यूरिटिजले १० जना भाग्यशाली नयाँ डिम्याट खाता खोल्ने ग्राहकलाई भारत लगेर आईसीसी मेन्स टी २० क्रिकेट वर्ल्डकप २०२६ मा नेपालले खेल्ने खेल प्रत्यक्ष स्टेडियमबाट हेर्ने अवसर प्रदान गर्ने घोषणा गरेको हो।
कम्पनीका अनुसार, ११ डिसेम्बर २०२५ देखि २९ जनवरी २०२६ सम्म नासा सेक्यूरिटिजमा नयाँ डिम्याट खाता खोलेका ग्राहकहरु यस क्याम्पेनमा सहभागी हुन योग्य हुनेछन्। सो अवधिमा खाता खोली स्वीकृती अवस्थामा पुगेका सबै नयाँ ग्राहकहरु क्याम्पेनका लागि स्वतः योग्य हुनेछन्।
पुरस्कार वितरण
क्याम्पेन अन्तर्गत छनोट हुने १० जना विजेताले फेब्रुअरी ७ देखि ९, २०२६ सम्म भारत (मुम्बई) मा हुने विश्वकप यात्राको सुविधा प्राप्त गर्नेछन्।
नासाले उपलब्ध गराउने ट्राभल प्याकेजमा
नेपाल भारत दुईतर्फी हवाई टिकट
फेब्रुअरी ८, २०२६ मा हुने नेपालको टी २० विश्वकप खेलको म्याच टिकट
ट्विन शेयरिङ्ग आधारमा होटल बसोबास (बेड एण्ड ब्रेकफास्टसहित)
एयरपोर्ट–होटल–स्टेडियम आवत–जावतको व्यवस्था समावेश रहनेछ।
लक्की ड्र कार्यक्रम
क्याम्पेन अवधिभर पारदर्शी र निष्पक्ष ढंगले लाइभ लक्की ड्र मार्फत विजेताहरु छनोट गरिने नासाले जनाएको छ। लक्की ड्र तालिका अनुसार
जनवरी २, २०२६ –२ विजेता
जनवरी ९, २०२६ –२ विजेता
जनवरी १६, २०२६ –२ विजेता
जनवरी २३, २०२६ –२ विजेता
जनवरी ३०, २०२६ –२ विजेता गरी कुल १० जना विजेता छनोट गरिनेछ।
